Միջոցառումներ / Ցուցահանդեսներ
26.11.2010 - 01.05.2011
ՎԱՐԴԳԵՍ ՍՈՒՐԵՆՅԱՆՑԻ 150-ԱՄՅԱԿԻՆ ՆՎԻՐՎԱԾ ՀՈԲԵԼՅԱՆԱԿԱՆ ՑՈՒՑԱՀԱՆԴԵՍ
Հայաստանի ազգային պատկերասրահում ներկայացված է գեղանկարիչ, գրաֆիկ, թատերական նկարիչ, ճարտարապետ և թարգմանիչ Վարդգես Սուրենյանցի (1860-1921) ծննդյան 150-ամյակին նվիրված մեծ ցուցահանդես:
Հանրության ուշադրությանն են ներկայացված մեծանուն նկարչի ստեղծագործությունները տարբեր թանգարաններից՝ Հայաստանի պատմության պետական թանգարան, Սարդարապատի թանգարան, Էջմիածնի թանգարան: Առաջին անգամ ամբողջությամբ ցուցադրված է Սուրենյանցի Հայաստանի ազգային պատկերասրահի ողջ հավաքածուն (գեղանկար, գծանկար, թատերական նկարչություն)՝ շուրջ 200-ից ավելի ստեղծագործություն:
Հոբելյանական ցուցահանդեսի կապակցությամբ լույս է տեսել կատալոգ (հայերեն և ռուսերեն լեզուներով), որտեղ ներկայացված են արվեստագետի ՀԱՊ-ում գտնվող բոլոր գործերը, արխիվային լուսանկարներ:
Մշտական
ցուցադրություն
կտավ, յուղաներկ
97x121 սմ
