Միջոցառումներ / Ցուցահանդեսներ

31.05.2022 - 20.08.2022

Բանվորի արձանը. Post Scriptum

1982 թվականին «Բանվորի արձանը»՝ 11-մետրանոց թուջե «հսկան», տեղադրվեց Երևանի մետրոպոլիտենի «Գործարանային» կայարանի հարակից հրապարակում։
Ըստ հեղինակի՝ անվանի քանդակագործ Արա Հարությունյանի (1928–1999) մտահղացման, «Փառք աշխատանքին» կամ, ժողովրդական անվանումով, «Բանվորի արձանը», ներկայացնում էր աշխատավոր մարդուն և դեպի Արևմտյան Հայաստան քայլող հայի կերպարն էր՝ հայացքն ուղղած դեպի Արարատ:

1997 թվականին, Հայաստանի անկախացումից հետո, հանրության կողմից սոցիալիստական դիտված հուշարձանը ապամոնտաժվեց և անհետացավ մեկ գիշերվա ընթացքում: Հեղինակն իր ստեղծագործության կործանման մասին տեղեկացավ միայն առավոտյան, և դա ծանր անդրադարձավ նրա առողջության վրա։

2004 թվականին գտնվեցին «Բանվորի արձանի» հատվածները, իսկ տարիներ անց՝ 2011 թվականին, «Արտ լաբորատորիա» արվեստագետների միավորման շնորհիվ «Բանվորի» կերպարը դուրս բերվեց մոռացությունից՝ «Գործարանային» կայարանի հարակից պատին փակցվեց ամբողջ հասակով արձանի պաստառը։
Ազգային պատկերասրահում առաջին անգամ կցուցադրվեն հուշարձանի մոնումենտալ հատվածները:

Post Scriptum

Բովանդակային առումով բացառիկ այս ցուցադրության կոնցեպտուալ հիմքում մշակութային ժառանգության պահպանման, վերականգնման և վերարժևորման հրամայականն է:

Ցուցահանդեսի համադրող՝ ՄԱՐԻԱՄ ԴԱՎԹՅԱՆ, Հայաստանի ազգային պատկերասրահի Քանդակի բաժնի վարիչ, արվեստաբան
Ցուցահանդեսը կգործի հունիսի 1-ից
Մուտքը՝ Հանրապետության հրապարակից և Արամի փողոցից

 


 

 

Մշտական
ցուցադրություն

Գրիգորյան Գևորգ Ստեփանի

Անուշն ու Սարոն (1962)

կտավ, յուղաներկ
49,5x39,5 սմ