Միջոցառումներ / Ցուցահանդեսներ
04.03.2023 - 01.11.2023
Մերկի Հանդերձները․ Մերկության ընկալումները հայկական գրաֆիկայում
Ցուցահանդեսn ընդգրկում է ավելի քան 100 գրաֆիկական աշխատանք Հայաստանի ազգային պատկերասրահի հավաքածուից և վեր է հանում մերկության դրսևորումների բազմազանությունը հայ արվեստում պարկեշտամիտ արվեստաբանական պատումների ստվերներից։ Ի հակադրություն ընդունված կարծիքների, մերկը մշտապես առկա է եղել հայ արվեստում՝ 1840-ականներին հայկական ակադեմիական նկարչության սկզբնավորումից մինչ մեր օրերը: Ցուցահանդեսն ուրվագծում է այդ պատմությունը՝ մատնանշելով այն հիմնական թեմատիկ և տեսական հետաքրքրությունները, որոնք գրավել են այդ ընթացքում Հայաստանում և Սփյուռքում գործող արվեստագետներին:
Համադրողներ՝ Վիգեն Գալստյան, Սեդա Խանջյան
Ցուցահանդեսը կգործի մարտի 4-ից
Մուտքը՝ Հանրապետության հրապարակից և Արամի փողոցից
Տարիքային սահմանափակում՝ 16+
