Թանգարանի մասին

Եղեգնաձորի պատկերասրահը հիմնադրվել է 1978 թվականին: Պատկերասրահն իր գործունեության ընթացքում կազմակերպել է հայ և արտասահմանյան նկարիչների աշխատանքների բազմաթիվ ցուցադրություններ:

Մասնաճյուղի վերաբացումը, վերանորոգումից հետո, համընկել է գրիչ, մանրանկարիչ, քանդակագործ և ճարտարապետ Մոմիկ Վարդապետի (1260-1333/39) ծննդյան 750-ամյակին նվիրված տոնակատարությունների հետ։

Մշտական ցուցադրությունում ներկայացված են հայկական կերպարվեստի նշանավոր վարպետներ Անատոլի Պապյանի, Վոլոդյա Սահակյանի, Հակոբ Անանիկյանի, Բաբկեն Քոլոզյանի, Լավինյա Բաժբեուկ-Մելիքյանի, Հովհաննես Շարամբեյանի, Էդուարդ Իսաբեկյանի, Հենրիկ Սիրավյանի, Զաքար Խաչատրյանի, Վարուժան Վարդանյանի և այլոց աշխատանքներ:

Պատկերասրահում պարբերաբար կազմակերպվում են ինչպես մայր թանգարանի հավաքածուն, այնպես էլ մարզի արվեստագետներին ներկայացնող ցուցահանդեսներ: