Հայաստանի ազգային պատկերասրահ

16.01.2019 - 16.01.2019

Ազգային պատկերասրահի ռեկորդը

Հայազգի ծովանկարչի շնորհիվ Ազգային պատկերասրահը նոր ռեկորդ է սահմանել: Հովհաննես Այվազովսկու 200-ամյակին նվիրված ցուցահանդեսը մոտ 50 հազար այցելու է ունեցել:

15.01.2019 - 31.01.2019

Պիկասոն «կժամանի» Հայաստան

Հայաստանի ազգային պատկերասրահը Ռուսաստանի գործընկեր թանգարաններից մեկի հետ այս տարի պլանավորել է կազմակերպել իսպանացի հռչակավոր նկարիչ Պաբլո Պիկասոյի աշխատանքներին նվիրված խոշոր ցուցահանդես։

25.12.2018 - 25.12.2018

ԳԱԲՐԻԵԼ ԳՅՈՒՐՋՅԱՆ հետահայաց ցուցահանդես

Դեկտեմբերի 21-ին Ազգային պատկերասրահում բացվեց նկարիչ Գաբրիել Գյուրջյանի ծննդյան 125-ամյակին նվիրված ռետրոսպետկտիվ ցուցահանդեսը: Ներկայացված էին Ազգային պատկերասրահում, Երևանի պատմության թանգարանում, ինչպես նաև ընտանիքի և մասնավոր հավաքածուներում պահվող շուրջ 100 նկարների ընտրանի։

06.12.2018 - 06.12.2018

Բեռնինիի դպրոց. Հռոմեական բարոկկո

ՀՀ-ում Իտալիայի դեսպանությունը, ՀՀ Մշակույթի նախարությունը և Հայաստանի Ազգային պատկերասրահը ներկայացնում են «Բեռնինիի դպրոց. Հռոմեական բարոկկո» ցուցահանդեսը: Ցուցադրությունը ներկայացնում է Արիչչա քաղաքի Պալացցո Կիջիի թանգարանում պահվող բարոկկո ոճի 55 բարձրարվեստ նմուշ: Ցուցադրությունը կգործի դեկտեմբերի 6-ից մինչև 2019թ. փետրվարի 18-ը:

03.12.2018 - 03.12.2018

«պրես լանչի» «Բեռնինիի դպրոց. հռոմեական բարոկկո»

Դեկտեմբերի 3-ին` ժամը 12:00-ին, «Panatsea» սրճարանում (Զաքյան 8) տեղի ունեցավ «պրես լանչի», որը նվիրված է «Բեռնինիի դպրոց. հռոմեական բարոկկո» ցուցահանդեսի բացմանը: Ասուլիսի հիմնական բանախոսները կլինեն ՀՀ-ում Իտալիայի արտակարգ և լիազոր դեսպան Ն.Գ. պարոն Վինչենցո Դել Մոնակոն, ՀՀ մշակույթի նախարարի տեղակալ Տիգրան Գալստյանը և Հայաստանի ազգային պատկերասրահի տնօրեն Արման Ծատուրյանը։ Տեղեկացնենք, որ ցուցադրությունը ներկայացնում է Արիչչա քաղաքի Պալացցո Կիջիի թանգարանում պահվող բարոկկո ոճի 55 բարձրարվեստ նմուշներ:

01.12.2018 - 10.12.2019

«Հայկական արվեստ. XX դար»

Դեկտեմբերի 1-ից Հայաստանի ազգային պատկերասրահի «Հայկական արվեստ. XX դար» մշտական ցուցադրությունը և ֆրանսահայ օֆորտիստ Է.Շահինի վերաբացված սրահը բաց կլինեն արվեստասերների համար: Նորացված մշտական ցուցադրությունը համալրվել է 19-րդ դարավերջի և 20-րդ դարի նշանավոր արվեստագետների գործերով և ընդգրկում է շուրջ 200 գեղանկար, 36 քանդակ, դեկորատիվ-կիրառական արվեստի 32 նմուշ։

06.11.2018 - 06.11.2018

Երկու նոր նամականիշ՝ նվիրված «Մեծանուն հայեր. Հովհաննես Զարդարյանի ծննդյան 100-ամյակը» թեմային

Հայաստանի ազգային պատկերասրահում՝ Հովհաննես Զարդարյանի «Ակունք» ցուցահանդեսի սրահում, «Հայփոստ» ընկերության կողմից այսօր մարվեց ու շրջանառության մեջ դրվեց երկու նամականիշ՝ նվիրված «Մեծանուն հայեր. Հովհաննես Զարդարյանի ծննդյան 100-ամյակը» թեմային: Նամականիշերից մեկի վրա պատկերված է հայ մեծանուն նկարիչ Հովհաննես Զարդարյանի «Գարուն» կտավը, մյուսի վրա` Հովհաննես Զարդարյանը իր «Ձմեռային բնանկար» կտավի խորապատկերին: Նամականիշերի պաշտոնական մարումը կատարեցին ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը, ՀՀ մշակույթի նախարար Լիլիթ Մակունցը, «Հայփոստ» ընկերության նախագահ Խուան Պաբլո Գեչիջյանը, Հայաստանի ֆիլատելիստների միության նախագահ Հովիկ Մուսայելյանը և Հայաստանի ազգային պատկերասրահի տնօրեն Արման Ծատուրյանը: Նամականիշերը տպագրված են Կանադայի “Lowe Martin Group” տպագրատանը: Դիզայնի հեղինակն է «ՀայՓոստ» ՓԲԸ-ի դիզայներ Դավիթ Դովլաթյանը:

12.10.2018 - 12.10.2018

Գերդաստաններ. Սարգիս Մուրադյան

Գերդաստաններ հաղորդման հյուրն է ՀԱՊ Հայ գեղանկարի բաժնի ավագ գիտաշխատող Մարգարիտա Խաչատրյանը

09.10.2018 - 09.10.2018

Մշակութային Հայաստան. Ֆրանկոֆոնիա 2018

«Մշակութային Հայաստանում» անդրադարձ Ֆրանկոֆոնիայի 17-րդ գագաթնաժողովի մշակութային ձեռնարկներին։ Ֆրանկոֆոնիայի ավանի պաշտոնական բացման հանդիսությունը, այցելություն Մարտիրոս Սարյանի տուն-թանգարան․ բացվել է «Սարյանը և Ֆրանսիան» խորագրով ցուցահանդեսը, Ֆրանկոֆոնիայի գագաթնաժողովի շրջանակում ցուցահանդեսներով են ներկայացել Հայաստանի ազգային պատկերասրահն ու պատմության թանգարանը, ֆրանսիացի նշանավոր կոմպոզիտոր Մասնեի «Մանոն» օպերայի պրեմիերան, Հանրապետության հրապարակում իրականացվում են Գալա համերգին նախորդող վերջին աշխատանքները։

29.09.2018 - 29.09.2018

Ազգային պատկերասրահում կբացվի «Գառզու» սրճարան-նվեր խանութը

Ազգային պատկերասրահի երկրորդ հարկում, աջ կողմի ցուցափեղկերի հետնամասում, առաջին հայացքից աչքի չընկնող մի դուռ կա։ Սովորաբար փակ էր։ Վերջին շրջանում, օրվա ընթացքում հաճախ են բացում, հետո նորից կողպում։ Դռնից ներս՝ առաջինը մեծ, առանց վարագույրների պատուհանն է երեւում, դասավորված սեղաններ-աթոռներ են եւ առայժմ դատարկ պահարաններ։ Ներս է մտնում Արման Ծատուրյանը՝ պատկերասրահի տնօրենը։ Առաջարկում է նստել։